សិក្ខាសាលាថ្នាក់តំបន់ស្តីពី បម្លាស់ទីត្រីឆ្លងកាត់វារីអគ្គិសនីខ្នាតធំ (ថ្ងៃទី ១៦-១៧ ខែមិថុនា ឆ្នាំ២០១៥)
(MRC-ISH)
វៀងច័ន្ធ៖ លេខាធិការដ្ឋានគណៈកម្មការទន្លេមេគង្គ បានរៀបចំសិក្ខាសាលាថ្នាក់តំបន់ស្តីពី បម្លាស់ទីត្រីឆ្លងកាត់វារីអគ្គិសនីខ្នាតធំ ដើម្បីពិភាក្សាលើ គោលការណ៍ណែនាំប្រើប្រាស់ក្នុងមេគង្គ សម្រាប់ពិចារណាទៅលើត្រី និងវារីអគ្គិសនី ដោយមានការចូលរួមពីមន្ត្រីជំនាញតំណាងក្រសួង ស្ថាប័នរដ្ឋាភិបាល មន្ទីរជំនាញនៃប្រទេសជាសមាជិក និងមន្រ្តីលេខាធិការដ្ឋានគណៈកម្មការទន្លេមេគង្គ សរុបចំនួន ៥៥រូប។ ដោយឡែកសមាសភាពចូលរួមមកពីកម្ពុជា មានចំនួន ០៧រូប ក្រោមការដឹកនាំរបស់ ឯកឧត្តម ឡុង សារាវុធ អគ្គលេខាធិការរង នៃគណៈកម្មាធិការជាតិទនេ្លមេគង្គកម្ពុជា។
គោលបំណងនៃសិក្ខាសាលាថ្នាក់តំបន់គឺ៖
- ផ្តល់នូវព័ត៌មានចាំបាច់សម្រាប់ផែនការនិរន្តរភាពវារីអគ្គិសនី និងការគ្រប់គ្រងលើទិដ្ឋភាពវិទ្យាសាស្រ្តនៃត្រី
- ការពន្យល់អំពីការសិក្សាកន្លងមកស្តីពី ត្រីឆ្លងកាត់ទំនប់ធំៗ និងការអនុវត្តសម្រាប់ទន្លេមេគង្គ
- ការពន្យល់អំពីទិដ្ឋភាពទូទៅនៃប្រសិទិ្ធភាពចំណេះដឹងដែលមានស្រាប់ និងសេដ្ឋកិច្ចនៃតូបីន ដែលមិនធ្វើឱ្យប៉ះពាល់ដល់ចរាចរត្រី (Fish-Friendly Turbines)
- ពិភាក្សានូវគោលការណ៍ណែនាំប្រើប្រាស់ក្នុងទន្លេមេគង្គ សម្រាប់ពិចារណាទៅលើត្រី និងវារីអគ្គិសនី៕