វៀងច័ន្ទ៖ លេខាធិការដ្ឋាន គណៈកម្មការទន្លេមេគង្គ បានរៀបចំកិច្ចប្រជុំគណៈកម្មាធិការរួមលើកទី៤៦ និងកិច្ចប្រជុំដៃគូសន្ទនាលើកទី២១ នៅទីក្រុងវៀងច័ន្ទ ប្រទេសឡាវ ដោយមានប្រតិភូគណៈកម្មាធិការរួម មកពីប្រទេសជាសមាជិក MRC ប្រតិភូដៃគូសន្ទនា ចិន-មីយ៉ាន់ម៉ា និងមន្ត្រីលេខាធិការដ្ឋាន MRC បានចូលរួម។ ឯកឧត្តម តែ ណាវុធ អគ្គលេខាធិការ គណៈកម្មាធិការជាតិទន្លេមេគង្គកម្ពុជា បានដឹកនាំប្រតិភូកម្ពុជា ចូលរួមកិច្ចប្រជុំខាងលើ ជាមួយមន្រ្តីតំណាងមកពីក្រសួងការបរទេស និងសហប្រតិបត្តិការអន្តរជាតិ ក្រសួងធនធានទឹក និងឧតុនិយម និងក្រសួងកសិកម្ម រុក្ខាប្រមាញ់ និងនេសាទ ។
កិច្ចប្រជុំបានពិនិត្យ៖
- វឌ្ឍនភាពនៃការអនុវត្តការងារ របស់លេខាធិការដ្ឋាន គណៈកម្មការទន្លេមេគង្គ ក្នុងឆ្នាំ២០១៧
- ការរៀបចំកិច្ចប្រជុំកំពូលគណៈកម្មការទន្លេមេគង្គ លើកទី៣ ក្នុងខែមេសា ឆ្នាំ២០១៨ នៅទីក្រុងសៀមរាប ប្រទេសកម្ពុជា
- កិច្ចសហប្រតិបត្តិការជាមួយដៃគូអភិវឌ្ឍន៍ ដៃគូសន្ទនា អង្គការអន្តរជាតិ និងតំបន់៕