ភ្នំពេញ៖ ឯកឧត្តម តែ ណាវុធ អគ្គលេខាធិការ គណៈកម្មាធិការជាតិទន្លេមេគង្គកម្ពុជា និងជានាយកគម្រោង គ្រប់គ្រងធនធានទឹកចម្រុះមេគង្គ តំណាក់កាលទី៣ បានសម្របសម្រួល និងដឹកនាំអង្គ សិក្ខាសាលាពិគ្រោះយោបល់លើរបាយការណ៍ សិក្សាវាយតម្លៃស្ថានភាពប្រព័ន្ធជលសាស្ត្រ និងឧតុនិយម នៅតំបន់ទន្លេ៣ (3S) និងព្រែក៤ (4P) ដោយមានការចូលរួមពីមន្រ្តីជាសមាជិកក្រុមការងាររួមមាន៖
- ប្រធានមន្ទីរធនធានទឹក និងឧតុនិយម នៃខេត្តក្រចេះ ស្ទឹងត្រែង រតនគិរី និងមណ្ឌលគីរី
- មន្រ្តីនាយកដ្ឋានពាក់ព័ន្ធ នៃក្រសួងធនធានទឹក និងឧតុនិយម និង
- មន្រ្តីអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា និង
- មន្ត្រីធនាគារពិភពលោក។
អង្គសិក្ខាសាលា បានពិនិត្យពិភាក្សា និងផ្តល់យោបល់លើរបាយការណ៍ និងបានឯកភាពក្នុងការកែសម្រួលទីតាំង និងបន្ថែមនូវស្ថានីយជលសាស្ត្រ និងតំរងទឹកភ្លៀងមួយចំនួនទៀត ទៅតាមតម្រូវការសមស្របរបស់ខេត្ត។
អង្គសិក្ខាសាលា បានជម្រុញដល់ការបញ្ចប់របាយការណ៍ ឱ្យបានទាន់ពេលវេលា ដើម្បីដាក់ជូនធនាគារពិភពលោក ពិនិត្យសម្រេច ដើម្បីយកទៅប្រើប្រាស់បន្ត ដោយក្រុមការងារបច្ចេកទេសរបស់គម្រោង៕