សៀមរាប៖ ឯកឧត្តម តែ ណាវុធ អគ្គលេខាធិការ គណៈកម្មាធិការជាតិទន្លេមេគង្គកម្ពុជា បានដឹកនាំកិច្ចប្រជុំពិគ្រោះយោបល់ថ្នាក់ជាតិ ស្តីពី សេចក្តីព្រាង ការបង្កើតផែនការសកម្មភាពគម្រោង សម្រាប់អនុត្តន៍យុទ្ធសាស្ត្រគ្រប់គ្រង និងអភិវឌ្ឍន៍ជលផលក្នុងអាងទន្លេមេគង្គ ដោយមានការចូលរួមពីមន្ត្រី នៃរដ្ឋបាលជលផល អាជ្ញាធរទន្លេសាប សកលវិទ្យាល័យភូមិន្ទកសិកម្ម អគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា មន្រ្តី MRC និងជំនាញការអន្តរជាតិ។
គោលបំណងនៃកិច្ចប្រជុំគឺ៖
(១). ណែនាំសេចក្តីព្រាងផែនការសកម្មភាពគម្រោង ដល់ក្រសួង ស្ថាប័ន្ធពាក់ព័ន្ធ
(២). ពិភាក្សាអំពីលទ្ធផល និងសកម្មភាពអាទិភាព និងផ្លាស់ប្តូរព័ត៌មាន សម្រាប់ការបង្កើតផែនការសកម្មភាពគម្រោង ដើម្បីបំពេញតម្រូវការប្រទេសជាសមាជិក និងលើកកម្ពស់ការអនុវត្តការគ្រប់គ្រង និងអភិវឌ្ឍជលផលទឹកសាបក្នុងអាងទន្លេមេគង្គក្រោម
(៣). កំណត់ និងពិភាក្សាអំពីសូចនាករលទ្ធផលនៃសេចក្តីព្រាងផែនការសកម្មភាពគម្រោង៕