Developed by Khmer Focus

កិច្ច​ប្រជុំ​វិសាមញ្ញ​របស់​គណៈ​កម្មា​ធិការ​រួម នៃ​គណៈ​កម្មការ​ទន្លេ​មេគង្គ (ថ្ងៃទី ២៣-​២៤ ខែមីនា ឆ្នាំ២០១៥)

(MRC-JC)

ភ្នំពេញ៖ លេខាធិការដ្ឋាន​គណៈ​កម្ម​ការ​ទន្លេ​មេគង្គ បាន​រៀប​ចំ​កិច្ច​ប្រជុំ​វិសាមញ្ញ​របស់ គណៈ​កម្មា​ធិការ​រួម នៃ​គណៈ​កម្មការ​ទន្លេ​មេគង្គ (MRC-JC) នៅ​លេខា​ធិការ​ដ្ឋាន​របស់​ខ្លួន​ប្រចាំ​រាជ​ធានី​ភ្នំពេញ ក្រោម​ការ​ដឹក​នាំ​របស់​ឯកឧត្តម តែ ណាវុធ ប្រធាន​ប្តូរ​វេន​គណៈ​កម្មា​ធិការ​រួម MRC-JC ប្រចាំឆ្នាំ២០១៤-២០១៥។ កិច្ច​ប្រជុំ​មាន​ការ​អញ្ជើញ​ចូល​រួម​ពី​ប្រតិភូ​សមាជិក​គណៈ​កម្មាធិការ​រួម​នៃ​បណ្តាប្រទេស​ជា​សមាជិក កម្ពុជា ឡាវ ថៃ និង​​វៀតណាម និង​មន្ត្រី​​លេខា​ធិការ​ដ្ឋាន MRC សរុប​ចំនួន ៣៨រូប។

កិច្ចប្រជុំ​វិសាមញ្ញ របស់​គណៈ​កម្មា​ធិការ​រួម​នេះ បាន​ពិនិត្យ និង​ពិភាក្សា​លើ​​របៀបវារៈ​​សំខាន់ៗ​រួម​មាន៖

  1. វឌ្ឍនភាព​នៃ​ការ​កែ​ទម្រង់​រចនាសម្ព័ន្ធ​របស់​លេខា​ធិការ​ដ្ឋាន MRC
  2. រូបមន្ត​នៃ​ការ​បង់​វិភាគ​ទាន​របស់​ប្រទេស​ជា​សមាជិក MRC
  3. ការប្តូរ​វេន​នាយក​ប្រតិបត្តិ​លេខា​ធិការ​ដ្ឋាន MRC
  4. ការពិនិត្យ​មើល​ឡើង​វិញ​លើ​បទ​បញ្ជា​ផ្ទៃ​ក្នុង របស់​គណៈ​កម្មា​ធិការ​រួម និង​ក្រុម​ប្រឹក្សា​របស់ MRC
  5. របាយ​ការណ៍​វឌ្ឍន​ភាព​នៃ​ការ​បន្ស៊ី​គ្នា​រវាង ឯកសារ​យុទ្ធសាស្ត្រ​អភិវឌ្ឍ​ន៍អាង​ទន្លេ ផែន​ការ​យុទ្ធសាស្ត្រ MRC ឆ្នាំ ២០១៦-​២០២០ មុខ​ងារ​គ្រប់​គ្រង​អាង​ទន្លេ និង​រចនាសម្ព័ន្ធ​របស់​លេខា​ធិការ​ដ្ឋាន MRC
  6. ការបន្ត​អនុស្សា​រណៈ​យោគ​យល់​គ្នា​រវាង MRC និង​គណៈ​កម្មការ​ទន្លេ Mississippi របស់​សហ​រដ្ឋ​​អាមេរិក
  7. កុងត្រា​សម្រាប់​បុគ្គលិក​របស់​លេខា​ធិការ​ដ្ឋាន MRC និង
  8. ការត្រៀម​លក្ខណៈ​សម្រាប់​រៀប​ចំ​កិច្ច​ប្រជុំ​លើក​ទី៤១ ​របស់​គណៈ​កម្មាធិការ​រួម MRC-JC នៅ​ប្រទេស​កម្ពុជា នា​ខែឧសភា ឆ្នាំ២០១៥៕

Hits: 3696