ជួបប្រជុំពិភាក្សាការងារ ជាមួយនាយកប្រតិបត្តិវេទិការអង្គការមិនមែនរដ្ឋាភិបាល ស្តីពីកម្ពុជា (ថ្ងៃទី២៣ ខែឧសភា ឆ្នំា២០១៩)
ភ្នំពេញ៖ នៅអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា ឯកឧត្តម តែ ណាវុធ អនុប្រធានអចិន្ត្រៃយ៍ គណៈកម្មាធិការជាតិទន្លេមេគង្គកម្ពុជា បានទទួលជួបប្រជុំពិភាក្សាការងារជាមួយ លោក តឹក វណ្ណារ៉ា នាយកប្រតិបត្តិវេទិការអង្គការមិនមែនរដ្ឋាភិបាល ស្តីពីកម្ពុជា (NGOF) និងសហការរី។
គោលបំណងនៃជំនួបពិភាក្សានេះគឺ៖ (១) ស្វែងយល់គ្នាពី តួនាទី ការទទួលខុសត្រូវរបស់ស្ថាប័ននីមួយៗ (២) ស្វែងយល់ពីបច្ចុប្បន្នភាពនៃការអភិវឌ្ឍអាងទន្លេមេគង្គ និងពិភាក្សាពីការគ្រប់គ្រងអាងទន្លេមេគង្គប្រកបដោយនិរន្តរភាព និង (៣) ស្វែងរកកិច្ចសហការវាង NGOF និង CNMC ដើម្បីដោះស្រាយបញ្ហាប្រឈម និងការគ្រប់គ្រងអាងទន្លេមេគង្គឱ្យមាននិរន្តរភាព។
នៅក្នុងឱកាសទទួលជួបពិភាក្សាការងារជាមួយ NGOF ខាង CNMC បានផ្តល់បទបង្ហាញចំនួន 0៣ ដើម្បីឱ្យក្រុមការងារ NGOF យល់ជ្រាបច្បាស់ពីការងាររបស់ CNMC និង MRC ក្នុងនោះ (១) អំពីតួនាទី និងភារកិច្ចរបស់ CNMC (២) អំពីអភិបាលកិច្ចអាងទន្លេមេគង្គសម្រាប់ការអភិវឌ្ឍដោយនិរន្តរភាព និង (៣) អំពីវេទិការជំរុញការចូលរួមរបស់អ្នកពាក់ព័ន្ធ ជាមួយគណៈកម្មការទន្លេមេគង្គ៕
Hits: 1676