សន្និសីទ​ថ្នាក់​តំបន់​ស្តីពី ការ​គ្រប់​គ្រង និង​ការ​បន្ស៊ាំ​នឹង​គ្រោះ​មហន្តរាយ (ថ្ងៃទី ០៣-០៤ ខែតុលា ឆ្នាំ២០១៧)

សៀមរាប៖ ឯកឧត្តម គល់ វឌ្ឍនា អគ្គ​លេខាធិការ​រង និង​មន្ត្រី​គណៈ​កម្មាធិការ​ជាតិ​ទន្លេ​មេគង្គ​កម្ពុជា បាន​ចូល​រួម​សន្និសីទ​ថ្នាក់​តំបន់​ស្តីពី ការ​គ្រប់គ្រង និង​ការ​បន្ស៊ាំនឹង​គ្រោះ​មហន្តរាយ ផ្តោតលើសហគមន៍មូលដ្ឋាន ក្រោមអធិបតីភាពឯកឧត្តម ប៊ុន ហ៊ាន រដ្ឋលេខាធិកា ក្រសួងធនធានទឹក និងឧតុនិយម និងដោយមានការចូលរួមពីបណ្តាក្រសួង ស្ថាប័នពាក់ព័ន្ធ និងថ្នាក់តំបន់។

គោលបំណងនៃសន្និសីទនេះគឺ (១) ចែករំលែកចំណេះដឹង និងបទពិសោធន៍នៅកម្ពុជា ជាមួយថ្នាក់តំបន់ ដើម្បីពង្រឹងសមត្ថភាពសហគមន៍មូលដ្ឋាន ក្នុងការគ្រប់គ្រង និងកាត់បន្ថយគ្រោះមហន្តរាយធម្មជាតិ និង (២) ស្វែងរកវិធីសាស្ត្រសម្រាប់ការគ្រប់គ្រង និងការកាត់បន្ថយគ្រោះមហន្តរាយនៅថ្នាក់មូលដ្ឋាន ប្រកបដោយប្រសិទ្ធិភាព និងនិរន្តរភាព៕