សិក្ខាសាលាទ្វេភាគីថ្នាក់តំបន់ ស្តីពី ការគ្រប់គ្រងជលផលឆ្លងដែន (ថ្ងៃទី២៤ ខែសីហា ឆ្នាំ២០១៧)
ប៉ាក់សេ៖ ឯកឧត្តម វ៉ាត់ បុត្តកុសល អគ្គលេខាធិការរង គណៈកម្មាធិការជាតិទន្លេមេគង្គកម្ពុជា បានដឹកនាំក្រុមការងារកម្ពុជា ចំនួន ០៥រូប តំណាងមកពីរដ្ឋបាលជលផល នៃក្រសួងកសិកម្ម រក្ខាប្រមាញ់ និងនេសាទ និងអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា ចូលរួមសិក្ខាសាលាទ្វេភាគីថ្នាក់តំបន់ ស្តីពី ការគ្រប់គ្រងជលផលឆ្លងដែនទន្លេមេគង្គ និងទន្លេសេកុង (កម្ពុជា-ឡាវ) នៅទីក្រុងប៉ាក់សេ ខេត្តចំប៉ាសាក់ ប្រទេសឡាវ ដោយមានការចូលរួមពីប្រទេសឡាវ មន្រ្តីលេខាធិការដ្ឋាន MRC និងមន្រ្តីអង្គការ SEAFDEC សរុបចំនួន ១៨រូប។
គោលបំណង និងលទ្ធផលនៃសិក្ខាសាលានេះ ១)- បានធ្វើបច្ចុប្បន្នភាពនៃដំណើរការកសាងផែនការគ្រប់គ្រងជលផលរួម ២)- បានពិនិត្យ និងពិភាក្សាលើដំណើរការរៀបចំយន្តការសហប្រតិបត្តិការសម្រាប់រៀបចំ និងអនុវត្តន៍ផែនការគ្រប់គ្រងជលផលឆ្លងដែនរួមនៃប្រទេសទាំងពីរ ៣)- បានធ្វើបច្ចុប្បន្នភាពនៃដំណើរការត្រួតពិនិត្យតាមដានជលផល និង ៤)- បានធ្វើបច្ចុប្បន្នភាពនៃផែនការអនុវត្តន៍គម្រោងឆ្នាំ ២០១៧ សម្រាប់ប្រទេសទាំងពីរ៕
Hits: 2525