(MRC-CCAI)
វៀងច័ន្ទ៖ គណៈកម្មការទន្លេមេគង្គ បានរៀបចំវេទិកា បច្ចេកទេសថ្នាក់តំបន់ស្តីពី ប្រព័ន្ធអេកូឡូស៊ី និងការវាយតម្លៃសេវាកម្មប្រព័ន្ធអេកូឡូស៊ី របស់គណៈកម្មការទន្លេមេគង្គ នៅទីក្រុងវៀងច័ន្ទ ប្រទេសឡាវ ដោយមានការអញ្ជើញចូលរួមពីប្រទេសជាសមាជិក របស់គណៈកម្មការទន្លេមេគង្គ។ ឯកឧត្តម គល់ វឌ្ឍនា អគ្គលេខាធិការរង គណៈកម្មាធិការជាតិទន្លេមេគង្គកម្ពុជា បានដឹកនាំមន្ត្រីតំណាងក្រសួង-ស្ថាប័នពាក់ព័ន្ធចំនូន ០៦រូប ដែលមកពីអគ្គលេខាធិការដ្ឋាន គជទមក ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន ទៅចូលរួមវេទិកាខាងលើ។
គោលបំណងនៃវេទិកាគឺ ដើម្បីពិភាក្សាអំពីការផ្សារភ្ជាប់សកម្មភាពបន្ត របស់កម្មវិធីពាក់ព័ន្ធទៅនឹងការវាយតម្លៃប្រព័ន្ធអេកូឡូស៊ី ក្នុងការអនុវត្តសកម្មភាព ក្នុងដំណើរការវិមជ្ឈការ នាពេលអនាគត៕
