វៀងច័ន្ទ៖ ឯកឧត្តម សូ សុភ័ទ្ទ អគ្គលេខាធិការរង គណៈកម្មាធិការជាតិទន្លេមេគង្គកម្ពុជា និងក្រុមការងារ បានចូលរួមកិច្ចប្រជុំលើកទី៥ នៃគណ:កម្មាធិការថវិកា របស់ MRC ដែលរៀបចំឡើងដោយលេខាធិការដ្ឋាន គណ:កម្មការទន្លេមេគង្គ ដោយមានការចូលរួមពីសមាជិកគណៈកម្មាធិការថវិកា នៃប្រទេសជាសមាជិក ដៃគូអភិវឌ្ឍន៍ និងមន្ត្រីលេខាធិការដ្ឋាន MRC។
គោលបំណងនៃកិច្ចប្រជុំគឺ៖
១/ ពិនិត្យកែសម្រួលឡើងវិញលើ សេចក្តីព្រាងផែនការការងារឆ្នាំ២០១៨ ដោយផ្តោតសំខាន់លើការចំណាយថវិកាក្នុងឆ្នាំ២០១៧ និងថវិកាគ្រោងសម្រាប់ឆ្នាំ២០១៨ និងឆ្នាំបន្ត
២/ រៀបចំកែសម្រួល និងធ្វើបច្ចុប្បន្នភាពឡើងវិញ ដើម្បីបញ្ជូនសេចក្តីកែសម្រួលផែនការការងារឆ្នាំ២០១៨នេះ ដាក់ឆ្លងទៅគណ:កម្មាធិការរួម ដើម្បីពិនិត្យ និងអនុម័ត និងសុំការឯកភាពពីក្រុមប្រឹក្សា ក្នុងកិច្ចប្រជុំលើកទី២៤ របស់ក្រុមប្រឹក្សា MRC ខាងមុខ នៅចុងខែវិច្ឆិកា ឆ្នាំ២០១៧ នៅទីក្រុងប៉ាតាយា ប្រទេសថៃ៕