ភ្នំពេញ៖ ឯកឧត្តម តែ ណាវុធ អនុប្រធានអចិន្ត្រៃយ៍ គណៈកម្មាធិការជាតិទន្លេមេគង្គកម្ពុជា និងលោក គឹម សីហា អនុប្រធាននាយកដ្ឋានផែនការ និងសហប្រតិបត្តិការអន្តរជាតិ បានចូរួមកិច្ចប្រជុំអន្តរក្រសួង កម្រិតនយោបាយ ដើម្បីពិនិត្យ និងផ្តល់ការឯកភាពលើសេចក្តីព្រាងរបាយការណ៍វឌ្ឍនភាពឆ្នាំ២០១៩ នៃការសម្រេចបានគោលដៅអភិវឌ្ឍប្រកបដោយចីរភាពកម្ពុជា (គ.អ.ច.ក) ២០១៦-២០៣០។ កិច្ចប្រជុំនេះមានការចូលរួមផងដែរពីដៃគូអភិវឌ្ឍន៍ សង្គមស៊ីវិល និងផ្នែកឯកជន។
លទ្ធផលនៃកិច្ចប្រជុំគឺ អង្គប្រជុំបានជ្រាបពីវឌ្ឍនភាព និងសមិទ្ធិផលដែលសម្រេចបាន ពីការខិតខំប្រឹងប្រែងបំពេញកិច្ចការងារកន្លងមក របស់ក្រសួង ស្ថាប័ននីមួយៗ និងបានពិនិត្យ កែសម្រួលពាក្យពេចន៍ បំពេញបន្ថែម លើចំនុចខ្វះខាតមួយចំនួន និងផ្តល់គំនិតល្អៗ ក្នុងការរៀបចំសូចនាករ និងទិន្នន័យ តាមក្រសួងសាមីនីមួយៗ។ អង្គប្រជុំបានផ្តល់ការគាំទ្រ និងឯកភាពលើសេចក្តីព្រាងរបាយការណ៍វឌ្ឍនភាពឆ្នាំ២០១៩នេះ។ ក្នុងកិច្ចប្រជុំនេះផងដែរ នៅក្នុងគោលដៅទី៦ ក្រសួងធនធានទឹក និងឧតុនិយម បានស្នើសុំកែសម្រួល និងបន្ថែមនូវខ្លឹមសារបច្ចេកទេស រីឯគណៈកម្មាធិការជាតិទន្លេមេគង្គកម្ពុជា បានស្នើឱ្យធ្វើការកែសម្រួលខ្លឹមសារក្នុង កថាខណ្ឌទី១ នៃបញ្ហាប្រឈម៕
