ឯកឧត្តម ពេជ ឌុន ទីប្រឹក្សា គណៈកម្មាធិការជាតិទន្លេមេគង្គកម្ពុជា បានដឹកនាំកិច្ចប្រជុំក្រុមជំនាញការបរិស្ថានថ្នាក់តំបន់ស្តីពី របាយការណ៍បញ្ចប់នៃគម្រោងតាមដានបរិស្ថានរួម ដោយមានការចូលរួមពីប្រទេសជាសមាជិក គណៈកម្មការទន្លេមេគង្គ មន្ត្រីលេខាធិការដ្ឋាន គណៈកម្មការទន្លេមេគង្គ ជំនាញការជាតិ និងអន្តរជាតិ។ ចំពោះក្រុមការងារកម្ពុជា មានមកពីក្រសួងបរិស្ថាន ក្រសួងធនធានទឹក និងឧតុនិយម ក្រសួងផែនការ រដ្ឋបាលជលផល អាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា។
កិច្ចប្រជុំនេះមានគោលបំណង៖
១. ពិភាក្សា និងផ្តល់យោបល់លើសេចក្តីព្រាងចុងក្រោយ នៃរបាយការណ៍គម្រោងសាកល្បងការតាមដានបរិស្ថានរួម
២. ពិនិត្យ និងពិភាក្សាលើអនុសាសន៍គម្រោងសាកល្បងការតាមដានបរិស្ថានរួម
៣. ពិនិត្យ និងពិភាក្សាលើវិធីសាស្ត្រសម្រាប់ការវាយតម្លៃ និងរៀបចំឡើងវិញនៃប្រព័ន្ធតាមដានទន្លេ៕