អូប៊ុន៖ លោក សួស ប៊ុនថន ប្រធាននាយកដ្ឋានផែនការ និងសហប្រតិបត្តិការអន្តរជាតិ នៃអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា លោក សេង អ៊ាមហ័រ អនុប្រធាននាយកដ្ឋានផ្គត់ផ្គង់ទឹកស្អាតជនបទ នៃក្រសួងអភិវឌ្ឍន៍ជនបទ លោក ប៉ែន រក្សា អនុប្រធានការិយាល័យ នៃនាយកដ្ឋានទឹកស្អាត និងអនាម័យ នៃក្រសួងធនធានទឹក និងឧតុនិយម និងលោកបណ្ឌិត អឿង ចន្ថា ជំនាញការថ្នាក់ជាតិ បានចូលរួមសិក្ខាសាលាបណ្តុះបណ្តាលថ្នាក់តំបន់ស្តីពី ការពង្រឹងសមត្ថភាពនៃការគ្រប់គ្រងទឹកក្រោមដី ដែលរៀបចំដោយលេខាធិការដ្ឋានគណៈកម្មការទន្លេមេគង្គ និងមានអ្នកចូលរួមពីបណ្តាប្រទេសជាសមាជិកមេគង្គ (កម្ពុជា ឡាវ ថៃ និងវៀតណាម) បុគ្គលិក និងជំនាញការ ពី MRC និងជំនាញការអន្តរជាតិ ពីប្រទេសអ៊ីស្រាអែល។
គោលបំណងសិក្ខាសាលាបណ្តុះបណ្តាលគឺ ដើម្បីចែករំលែកចំណេះដឹង និងបទពិសោធន៍ ពាក់ព័ន្ធការគ្រប់គ្រងទឹកក្រោមដីប្រកបដោយចីរភាព នៅក្នុងប្រទេសអ៊ីស្រាអែល និងអាងទន្លេមេគង្គក្រោម៕