នាថ្ងៃទី១០ ១៣ ខែកញ្ញា ឆ្នាំ២០២៣ គណៈប្រតិភូកម្ពុជា ចំនួន ០៤រូប មានសមាសភាពពីតំណាងក្រសួងធនធានទឹក និងឧតុនិយម និងអគ្គលេខាធិការដ្ឋាន គណៈកម្មាធិការជាតិទន្លេមេកង្គកម្ពុជា (គ.ជ.ទ.ម.ក) ដឹកនាំដោយ ឯកឧត្តម សូ សុភ័ទ្ទ អគ្គលេខាធិការ គ.ជ.ទ.ម.ក បានចូលរួមកិច្ចប្រជុំរួមគណៈកម្មាធិការរួម នៃគណៈកម្មការទន្លេមេគង្គ និងក្រុមការងារកិច្ចសហប្រតិបត្តិការធនធានទឹក ស្តីពីការសិក្សារួមគ្នាមេគង្គ ឡានឆាង និងដំណើរទស្សនកិច្ច នៅ ប្រទេសចិន។ កិច្ចប្រជុំ និងដំណើរទស្សនកិច្ចនេះ ទទួលបានការសម្របសម្រួលពីមជ្ឈមណ្ឌលទឹកកិច្ចសហប្រតិបត្តិការមេគង្គ ឡានឆាងរបស់ចិន និងលេខាធិការដ្ឋានគណៈកម្មការទន្លេមេគង្គ។

គោលបំណងនៃក្រុមការងារចម្រុះ និងដំណើរទស្សនកិច្ចសិក្សា គឺដើម្បី ១. ប្រមូលយោបល់ពីគណៈកម្មាធិការរួម MRC និងប្រធានក្រុមការងាររួម LMC នៃប្រទេសទាំង ៦ សម្រាប់រួមគ្នាពិភាក្សា និងផ្តល់យោបល់លើការអនុវត្តអនុសាសន៍ដំណាក់កាលទី១ និងអនុវត្តការសិក្សារួមប្រកបដោយប្រសិទ្ធភាព នៅដំណាក់កាលទី ២ និង ២. ការផ្លាស់ប្តូរបទពិសោធន៍ និងពង្រឹងកិច្ចសហប្រតិបត្តិមេគង្គ ឡានឆាង។