កិច្ចប្រជុំលើកទី១ នៃគណៈកម្មការដឹកនាំគម្រោងឆ្លងដែន រវាងកម្ពុជា-ថៃ (ថ្ងៃទី១២ ខែតុលា ឆ្នាំ ២០១៨)
បាងកក៖ ឯកឧត្តម ប៉ុញ សច្ចៈ រដ្ឋលេខាធិការ ក្រសួងធនធានទឹក និងឧតុនិយម និងជាប្រធានក្រុមការងារគម្រោង សហប្រតិបត្តិការឆ្លងដែន រវាងកម្ពុជា-ថៃ និងឯកឧត្តម តែ ណាវុធ អគ្គលេខាធិការ គណៈកម្មាធិការជាតិទន្លេមេគង្គកម្ពុជា និងជាសហប្រធាននៃកិច្ចប្រជុំ បានដឹកនាំក្រុមការងារគម្រោង ចូលរួមកិច្ចប្រជុំលើកទី១ នៃគណៈកម្មការដឹកនាំគម្រោងឆ្លងដែន រវាងកម្ពុជា-ថៃ ស្តីពី ការគ្រប់គ្រងទឹកជំនន់ និងគ្រោះរាំងស្ងួត ដែលទ្រទ្រង់ថវិកាដោយ GIZ តាមរយៈ MRC ដោយមានការចូលរួមពីឯកឧត្តម វ៉ាត់ បុត្តកុសល អគ្គលេខាធិការរង និងមន្ត្រីថ្នាក់បច្ចេកទេស នៃក្រសួងធនធានទឹក និងឧតុនិយម មន្ទីរធនធានទឹក និងឧតុនិយមខេត្តបន្ទាយមានជ័យ អគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា ជំនាញការគម្រោងជាតិ ទីប្រឹក្សាបច្ចេកទេសអន្តរជាតិ ក្រុមការងារគម្រោងនៃប្រទេសថៃ និងមន្ត្រីMRCS។
គោលបំណងនៃកិច្ចប្រជុំគឺ ពិនិត្យពិភាក្សាលើរបាយការណ៍វឌ្ឍនភាពអនុវត្តការងារគម្រោង បញ្ហាកង្វះខាតទិន្នន័យវាយតម្លៃការងារ និងឯកភាពសំណើរបស់ក្រុមការងារថ្នាក់ជាតិទាំងពីរប្រទេស និងកំណត់ទិសដៅការងារបន្តអនុវត្តគម្រោងកាន់តែមានប្រសិទ្ធភាព៕
