កិច្ចប្រជុំថ្នាក់តំបន់ស្តីពី ការរៀបចំយុទ្ធសាស្ត្រគ្រប់គ្រងបរិស្ថាននៃធនធានបរិស្ថាន (ថ្ងៃទី២៦ ខែតុលា ឆ្នាំ២១៨)
បាងកក៖ ក្រុមការងារកម្ពុជារួមមានមន្ត្រីមកពីក្រសួងបរិស្ថាន រដ្ឋបាលជលផល អគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា និងជំនាញការជាតិ បានចូលរួមកិច្ចប្រជុំថ្នាក់តំបន់ស្តីពី ការរៀបចំយុទ្ធសាស្ត្រគ្រប់គ្រងបរិស្ថាន នៃធនធានបរិស្ថាន ដែលកំណត់ជាអាទិភាពរបស់គណៈកម្មការទន្លេមេគង្គ ដោយមានការចូលរួមពីក្រុមការងារនៃប្រទេសជាសមាជិកគណៈកម្មការទន្លេមេគង្គ មន្ត្រីលេខាធិការដ្ឋាន គណៈកម្មការទន្លេមេគង្គ និងជំនាញការជាតិ និងអន្តរជាតិ។
គោលបំណងនៃកិច្ចប្រជុំនេះគឺ៖
១- ជម្រាបជូនទិដ្ឋភាពទូទៅនៃដំណើរការ សម្រាប់ការអភិវឌ្ឍយុទ្ធសាស្ត្ររបស់គណៈកម្មការទន្លេមេគង្គ សម្រាប់ការគ្រប់គ្រងបរិស្ថានក្នុងអាងទន្លេមេគង្គ នៃធនធានបរិស្ថាន ដែលកំណត់ជាអាទិភាព និងពិភាក្សាលើនិយមន័យក្នុងតំបន់ សម្រាប់ធនធានបរិស្ថាន
២- ពិភាក្សាលើធនធានបរិស្ថាន និងពិនិត្យឡើងវិញនូវរបាយការណ៍ថ្នាក់ជាតិ និងថ្នាក់តំបន់
៣- ពិភាក្សាលើផែនការគ្រប់គ្រងការអនុវត្តក្នុងយុទ្ធសាស្ត្រគោលនយោបាយ និងផែនការសកម្មភាពនៅថ្នាក់ជាតិ និងថ្នាក់តំបន់ដែលមានស្រាប់ និង
៤- ពិភាក្សា និងផ្តល់យោបល់អំពីលក្ខណៈវិនិច្ឆ័យសម្រាប់ការជ្រើសរើសធនធានបរិស្ថាន៕
