សិក្ខាសាលាបណ្តុះបណ្តាលថ្នាក់តំបន់ស្តីពី ការសិក្សាគ្រោងប្លង់នៃសំណង់ផ្លូវត្រីឆ្លងកាត់ តាមសំណង់ប្រព័ន្ធធារាសាស្រ្ត (ថ្ងៃទី ១៣-១៦ ខែវិច្ឆិកា ឆ្នាំ២០១៨)
ថៃ៖ លោក សួស ប៊ុនថន អនុប្រធាននាយកដ្ឋានគ្រប់គ្រងព័ត៌មាន និងចំណេះដឹង នៃគណៈកម្មាធិការជាតិទន្លេមេគង្គកម្ពុជា បានចូលរួមសិក្ខាសាលាបណ្តុះបណ្តាលថ្នាក់តំបន់ស្តីពី ការសិក្សាគ្រោងប្លង់នៃសំណង់ផ្លូវត្រីឆ្លងកាត់ តាមសំណង់ប្រព័ន្ធធារាសាស្រ្ត ដោយមានអ្នកចូលរួមពីក្រសួងធនធានទឹក និងឧតុនិយម រដ្ឋបាលជលផល និងមកពីបណ្តាប្រទេសជាសមាជិក គណៈកម្មការទន្លេមេគង្គ ឥណ្ឌូនេស៊ី មីយ៉ាន់ម៉ា និងមន្រ្តីលេខាធិការដ្ឋាន គណ:កម្មការទន្លេមេគង្គ។
គោលបំណងនៃសិក្ខាសាលាគឺដើម្បី (១). រៀបចំ និងធ្វើការសិក្សាអំពីសំណង់ផ្លូវត្រី (២). រៀបចំគ្រោងប្លង់សំណង់ (៣). សិក្សាអង្កេតសំណង់ និង (៤). ការសាងសង់សំណង់ផ្លូវត្រីតាមប្រទេសនីមួយៗ៕
