កិច្ចប្រជុំពិគ្រោះយោបល់ថ្នាក់ជាតិស្ដីពី ការពិនិត្យឡើងវិញ និងធ្វើបច្ចុប្បន្នភាពគោលការណ៍ណែនាំគ្រោងប្លង់បឋម (ថ្ងៃទី១៩ ខែមីនា ឆ្នាំ២០១៩)
សៀមរាប៖ ឯកឧត្តម តែ ណាវុធ អនុប្រធានអចិន្ត្រៃយ៍ នៃគណៈកម្មាធិការជាតិទន្លេមេគង្គកម្ពុជា បានដឹកនាំកិច្ចប្រជុំពិគ្រោះយោបល់ថ្នាក់ជាតិស្ដីពី ការពិនិត្យឡើងវិញ និងធ្វើបច្ចុប្បន្នភាពគោលការណ៍ណែនាំគ្រោងប្លង់បឋម សម្រាប់គម្រោងទំនប់វារីអគ្គិសនីនៅលើទន្លេមេ (PDG2018) ដោយមានអ្នកចូលរួមមកពីតំណាងក្រសួង ស្ថាប័នពាក់ព័ន្ធរួមមាន ក្រសួងធនធានទឹក និងឧតុនិយម ក្រសួងផែនការ ក្រសួងបរិស្ថាន ក្រសួងរ៉ែ និងថាមពល រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ អគ្គិសនីកម្ពុជា អគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា លេខាធិការដ្ឋាន គណៈកម្មការទន្លេមេគង្គ និងអ្នកជំនាញការថ្នាក់ជាតិ។
គោលបំណងនៃកិច្ចប្រជុំគឺដើម្បី៖
(១)- ពិនិត្យ និងពិភាក្សាលើតម្រូវការសំខាន់ៗសម្រាប់ធ្វើបច្ចុប្បន្នភាព PDG2009 និងដំណើរការសម្រាប់ធ្វើបច្ចុប្បន្នភាព
(២)- បង្ហាញពីរចនាសម្ព័ន្ធ PDG 2018 version 1
(៣)- ប្រមូលមតិយោបល់ ដើម្បីកែលម្អរ PDG 2018 version 1 និង
(៤)- ពិភាក្សាលើជំហ៊ានបន្ទាប់ និងរៀបចំដាក់ឆ្លងជូន JC និង Councils ពិនិត្យ និងអនុម័ត៕