កិច្ចប្រជុំពិគ្រោះយោបល់ថ្នាក់តំបន់លើសេចក្តីព្រាងផែនការការងារសម្រាប់ឆ្នាំ២០១៧ របស់ MRC (ថ្ងៃទី៤ ខែវិច្ឆិកា ឆ្នាំ២០១៦)
ភ្នំពេញ៖ នៅលេខាធិការដ្ឋានគណៈកម្មការទន្លេមេគង្គ ប្រចាំរាជធានីភ្នំពេញ បានបើកកិច្ចប្រជុំពិគ្រោះយោបល់ថ្នាក់តំបន់ លើសេចក្តីព្រាងផែនការការងារ សម្រាប់ឆ្នាំ២០១៧ របស់ MRC ដោយមានការចូលរួមពីមន្ត្រីពាក់ព័ន្ធ តំណាងពីប្រទេសជាសមាជិក កម្ពុជា ឡាវ ថៃ និងវៀតណាម តំណាងអង្គការអន្តរជាតិ ដៃគូអភិវឌ្ឍន៍ ព្រមទាំងមន្ត្រីលេខាធិការដ្ឋាន MRC សរុបចំនួន ៣០រូបចូលរួម។ មន្ត្រីចូលរួមពីកម្ពុជា ដឹកនាំដោយឯកឧត្តម សូ សុភ័ទ្ទ អគ្គលេខាធិការរង CNMC និងមន្ត្រីអម ០៣រូបទៀត។
កិច្ចប្រជុំនេះដើម្បីពិនិត្យ ពិភាក្សា និងផ្តល់យោបល់លើសេចក្តីព្រាង MRC AWP ២០១៧ version 1.1 ដែលបានកែសម្រួលផ្អែកលើលទ្ធផលប្រជុំថ្នាក់ជាតិប្រទេសទាំងបួន និងដៃគូអភិវឌ្ឍន៍ ដែលបានធ្វើឡើងក្នុងសេចក្តីព្រាងខាងលើនេះ version1.0។
លទ្ធផលនៃកិច្ចប្រជុំថ្នាក់តំបន់លើសេចក្តីព្រាងនាពេលនេះ នឹងរៀបចំជា version 2.0 សម្រាប់កិច្ចប្រជុំគណៈកម្មាធិការថវិកា នាថ្ងៃទី១៧-១៨ ខែវិច្ឆិកា ដើម្បីពិនិត្យឡើងវិញ និងផ្តល់អនុសាសន៍លើផ្នែកហិរញ្ញវត្ថុ (ថវិកាចំណាយសម្រាប់សកម្មភាព) ហើយដាក់ឆ្លងអនុម័តនៅក្នុងកិច្ចប្រជុំត្រៀម JC ក្នុងកិច្ចប្រជុំក្រុមប្រឹក្សា MRC លើកទី២៣ នាចុងខែវិច្ឆិកា ឆ្នាំ២០១៦ ខាងមុខនេះ៕
