ផ្សព្វផ្សាយប្រកាសតែងតាំងមុខងារភារកិច្ចថ្មី (ថ្ងៃទី០៦ ខែកុម្ភៈ ឆ្នាំ២០១៨)
ភ្នំពេញ៖ ការផ្សព្វផ្សាយប្រកាសតែងតាំងមុខងារភារកិច្ចថ្មីរបស់មន្ត្រី ០៣រូប ថ្នាក់អនុប្រធាននាយកដ្ឋាន ០២រូប និងអនុប្រធានការិយាល័យ ០១រូប ក្រោមអធិបតីភាពឯកឧត្តម តែ ណាវុធ អគ្គលេខាធិការ គណៈកម្មាធិការជាតិទន្លេមេគង្គកម្ពុជា និងមានការចូលរួមពីមន្ត្រីគ្រប់ជាន់ថ្នាក់ នៃអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា។ ក្នុងឱកាសនោះផងដែរ ឯកឧត្តម បានមានមតិសំណេះសំណាល និងផ្តល់មតិណែនាំដល់មន្ត្រីទាំងអស់ ឱ្យខិតខំបំពេញការងារតាមភារកិច្ចរបស់ខ្លួន មានសាមគ្គីភាព និងគោរពវិន័យការងារឱ្យបានល្អ សមស្របតាមសហលក្ខន្តិកៈមន្ត្រីរាជការដែលបានកំណត់៕