សិក្ខាសាលាពិគ្រោះយោបល់ថ្នាក់តំបន់ស្តីពី របាយការណ៍តាមដានគុណភាពទឹក ឆ្នាំ២០១៩ (ថ្ងៃទី២៩-៣០ ខែមិថុនា ឆ្នាំ២០២១)
ជំពូក៖ CNMC_Feb21
ភ្នំពេញ៖ ក្រុមការងារកម្ពុជា បានចូលរួមសិក្ខាសាលាពិគ្រោះយោបល់ថ្នាក់តំបន់ស្តីពី របាយការណ៍តាមដានគុណភាពទឹក ឆ្នាំ២០១៩ និងវគ្គបណ្តុះបណ្តាលអំពីការវិភាគ និងការរៀបចំរបាយការណ៍គុណភាពទឹក ដោយមានការចូលរួមពីប្រទេសជាសមាជិក គណៈកម្មការទន្លេមេគង្គ និងមន្ត្រីលេខាធិការ ដ្ឋានគណៈកម្មការទន្លេមេគង្គ។ ចំពោះក្រុមការងារកម្ពុជា មានមកពីក្រសួងធនធានទឹក និងឧតុនិយមក្រសួងបរិស្ថាន និងគណៈកម្មាធិការជាតិទន្លេមេគង្គកម្ពុជា។
គោលបំណងនៃសិក្ខាសាលា៖
(១) ពិភាក្សា និងប្រមូលមតិដើម្បីបញ្ចប់របាយការណ៍គុណភាពទឹកឆ្នាំ២០១៩
(២) ពិនិត្យ និងពិភាក្សាលើទម្រង់របាយការណ៍គុណភាពទឹកឆ្នាំ២០២០ និង
(៣) ស្វែងយល់បន្ថែមលើការវិភាគទិន្នន័យគុណភាពទឹក ការបកស្រាយ និងការធ្វើរបាយការណ៍៕