ចុះត្រួតពិនិត្យតាមដានការសាងសង់ស្ថានីយជលសាស្ត្រ និងឧតុនិយម (ថ្ងៃទី ១៥-២៥ ខែកក្កដា ឆ្នាំ២០២១)
ជំពូក៖ CNMC_Feb21
លោក ឈាង ហុង ប្រធាននាយកដ្ឋានគ្រប់គ្រងព័ត៌មាន និងចំណេះដឹង និងជាអនុប្រធានក្រុមម៉ូដែល នៃគម្រោងគ្រប់គ្រងធនធានទឹកចម្រុះមេគង្គ នៃគណៈកម្មាធិការជាតិទន្លេមេគង្គកម្ពុជា បានដឹកនាំក្រុមការងារដែលមានសមាសភាពមកពីនាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និងឧតុនិយម និងអគ្គលេខាធិការដ្ឋាន គ.ជ.ទ.ម.ក ចុះត្រួតពិនិត្យតាមដានការសាងសង់ស្ថានីយជលសាស្ត្រ និងឧតុនិយម នៅតាមបណ្តាខេត្តគោលដៅ 4P និង 3S ក្នុងខេត្តក្រចេះ ស្ទឹងត្រែង រតនគិរី និងមណ្ឌលគីរី។
គោលបំណងនៃបេសកកម្មការងារគឺដើម្បី (១) ពិនិត្យតាមដានវឌ្ឍនភាពការងារនៃដំណើរការសាងសង់ស្ថានីយជលសាស្ត្រ និងឧតុនិយម ចំនួន ២៨កន្លែង នៅតំបន់គោលដៅ និង (២) ពិនិត្យលើគុណភាពនៃសំណង់ និងអនុសាសន៍សម្រាប់ការងារបន្ត៕
