សម្ភាសន៍ជ្រើសរើស នាយកប្រតិបត្តិ លេខាធិការដ្ឋាន គណៈកម្មការទន្លេមេគង្គ (ថ្ងៃទី២៦ ខែសីហា ឆ្នាំ២០២១)
ជំពូក៖ CNMC_Feb21
ភ្នំពេញ៖ ឯកឧត្តម សូ សុភ័ទ្ទ អគ្គលេខាធិការ គណៈកម្មាធិការជាតិទន្លេមេគង្គកម្ពុជា និងជាសមាជិក គណៈកម្មាធិការរួម គណៈកម្មការទន្លេមេគង្គ (MRC-JC) សម្រាប់កម្ពុជា បានចូលរួមជាមួយសមាជិក MRC-JC នៃប្រទេសឡាវ ថៃ និងវៀតណាម ក្នុងគណៈកម្មការជ្រើសរើស ដើម្បីធ្វើសម្ភាសន៍ជ្រើសរើស នាយកប្រតិបត្តិ លេខាធិការដ្ឋាន គណៈកម្មការទន្លេមេគង្គ (MRCS CEO) ជាជនជាតិឡាវ សម្រាប់ឆ្នាំ២០២២-២០២៤។
កិច្ចសម្ភាសន៍ សម្រាប់មុខដំណែងខាងលើ បានរៀបចំធ្វើតាមប្រព័ន្ធអនឡាញ និងសម្រាប់កម្ពុជា មន្រ្តីដែលបានចូលរួមជាមួយឯកឧត្តមអគ្គលេខាធិការ រួមមាន ឯកឧត្តម ពេជ ឌុន ទីប្រឹក្សា គ.ជ.ទ.ម.ក និងលោក ស៊ិន សំណាង ប្រធាននាយកដ្ឋានបុគ្គលិក និងអភិវឌ្ឍន៍ធនធានមនុស្ស នៃអគ្គលេខាធិការដ្ឋាន គ.ជ.ទ.ម.ក៕