សិក្ខាសាលាថ្នាក់ជាតិស្តីពី ការវិភាគ ការរៀបចំរបាយការណ៍ និងការចែករំលែកទិន្នន័យ (ថ្ងៃទី២២ ខែកញ្ញា ឆ្នាំ២០២១)
ឯកឧត្តម សូ សុភ័ទ្ទ អគ្គលេខាធិការ គណៈកម្មាធិការជាតិទន្លេមេគង្គកម្ពុជា បានដឹកនាំសិក្ខាសាលាថ្នាក់ជាតិស្តីពី ការវិភាគ ការរៀបចំរបាយការណ៍ និងការចែករំលែកទិន្នន័យ នៃគម្រោងសាកល្បងតាមដានបរិស្ថានរួម និងដោយមានការចូលរួមពីក្រុមការងារតាមដានថ្នាក់ជាតិរបស់ក្រសួង ស្ថាប័នពាក់ព័ន្ធរួមមាន ក្រសួងធនធានទឹក និងឧតុនិយម រដ្ឋបាលជលផល អាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា។
សិក្ខាសាលាថ្នាក់ជាតិមានគោលបំណងឱ្យក្រុមការងារថ្នាក់ជាតិ៖
• ស្វែងយល់អំពីទិន្នន័យដែលបានប្រមូលពីខែតុលា ឆ្នាំ២០២០ ដល់ខែមិថុនា ឆ្នាំ២០២១
• ស្វែងយល់អំពីទម្រង់ និងការរក្សាទុកមូលដ្ឋានទិន្នន័យ
• ស្វែងយល់អំពីទិន្នន័យ ការវិភាគ និងផលប៉ះពាល់ នៃការផ្លាស់ប្តូរប៉ារ៉ាម៉ែត្រ ដែលទាក់ទងនឹងប្រតិបត្តិការទំនប់វារីអគ្គិសនី និង
• ផ្តល់អនុសាសន៍ទៅលើលទ្ធផលនៃការវិភាគ និងការប្រើប្រាស់ក្នុងការរួមបញ្ចូលនៃប៉ារ៉ាម៉ែត្រផ្សេងទៀត៕