សិក្ខាសាលាពិគ្រោះយោបល់ថ្នាក់ជាតិស្តីពី ការលើកកម្ពស់ផលិតផលផែនទីប្រើប្រាស់ដី (ថ្ងៃទី១៣ ខែតុលា ឆ្នាំ២០២១)
ជំពូក៖ CNMC_Feb21
កំពង់ចាម៖ ឯកឧត្តម សូ សុភ័ទ្ទ អគ្គលេខាធិការ គណៈកម្មាធិការជាតិទន្លេមេគង្គកម្ពុជា បានដឹកនាំសិក្ខាសាលាពិគ្រោះយោបល់ថ្នាក់ជាតិស្ដីពី ការលើកកម្ពស់ផលិតផលផែនទីប្រើប្រាស់ដី និងគម្របព្រៃឈើឆ្នាំ២០២០ និងដោយមានការចូលរួមពីមន្ត្រីក្រសួង ស្ថាប័នពាក់ព័ន្ធរួមមាន៖ ក្រសួងធនធានទឹក និងឧតុនិយម ក្រសួងបរិស្ថាន ក្រសួងសាធារណការ និងដឹកជញ្ជូន ក្រសួងរៀបចំដែនដី នគរូបនីយកម្ម និងសំណង់ និងក្រសួងកសិកម្ម រុក្ខាប្រមាញ់ និងនេសាទ) និងអគ្គលេខាធិការដ្ឋាន គ.ជ.ទ.ម.ក។
គោលបំណងនៃសិក្ខាសាលាគឺ ដើម្បីបង្ហាញពីវិធីសាស្រ្ត និងសេចក្តីព្រាងផលិតផលចុងក្រោយ ឱ្យមានការយល់ដឹង និងឯកភាពលើការចាត់ថ្នាក់ផែនទីប្រើប្រាស់ដី និងគម្របព្រៃឈើឆ្នាំ២០២០ និងប្រមូលមតិយោបល់ និងសំណូមពរ សម្រាប់ការកែលំអរផលិតផលឱ្យកាន់តែប្រសើរឡើង៕