(MRC-IKMP)
សៀមរាប៖ វគ្គបណ្តុះបណ្តាលថ្នាក់តំបន់ស្តីពី ប្រព័ន្ធព័ត៌មានគណៈកម្មការទន្លេមេគង្គ បានប្រព្រឹត្តទៅនៅខេត្តសៀមរាប ដោយមានការអញ្ជើញចូលរួមពី មន្ត្រីតំណាងក្រសួង ស្ថាប័នពាក់ព័ន្ធនៃប្រទេសជាសមាជិក និងបុគ្គលិកលេខាធិការដ្ឋានគណៈកម្មការទន្លេមេគង្គសរុបចំនួន ២៥រូប។ ដោយឡែកសមាសភាពចូលរួមពីកម្ពុជាមាន ០៤រូប រួមមាន លោក គឺ ខេមលីន មន្ត្រីសម្របសម្រួលកម្មវិធីគ្រប់គ្រងព័ត៌មាន និងចំណេះដឹង នៃនាយកដ្ឋានគ្រប់គ្រងព័ត៌មាននិងចំណេះដឹង គ.ជ.ទ.ម.ក លោក ហេង បូរាណ ជំនាញការថ្នាក់ជាតិ លោក ធួន សុខជា អនុប្រធាននាយកដ្ឋានគ្រប់គ្រងព័ត៌មាន និងចំណេះដឹង នៃគ.ជ.ទ.ម.ក លោក សៅ សម្ភារ ប្រធានការិយាល័យអភិវឌ្ឍន៍ធនធានមនុស្ស នៃក្រសួងធនធានទឹក និងឧតុនិយម។
គោលបំណងនៃវគ្គបណ្តុះបណ្តាលគឺ ផ្តល់ទស្សនៈបច្ចេកទេសដើម្បីធ្វើឱ្យប្រសើរ នូវប្រព័ន្ធព័ត៌មានរបស់គណៈកម្មការទន្លេមេគង្គ។ ប្រព័ន្ធព័ត៌មានរបស់គណៈកម្មការទន្លេមេគង្គ បានធើ្វការបែងចែកអ្នកប្រើប្រាស់ជាបួនប្រភេទគឺ អ្នករដ្ឋបាលគ្រប់គ្រង អ្នកប្រើប្រាស់ផ្ទៃក្នុង អ្នកប្រើប្រាស់ធ្វើពាណិជ្ជកម្ម និងអ្នកប្រើប្រាស់ជាសាធារណ:៕
Videos
News/Events
Photo Gallery
Visitors Counter
Visitor Counter
CNMC Email
