ជួបពិភាក្សាការងារជាមួយក្រុមមន្រ្តីប្រតិភូចិន (ថ្ងៃទី២០ ខែមេសា ឆ្នាំ២០១៨)
ភ្នំពេញ៖ ឯកឧត្តម វ៉ាត់ បុត្តកុសល អគ្គលេខាធិការរង គណៈកម្មាធិការជាតិទន្លេមេគង្គកម្ពុជា បានទទួលជួបពិភាក្សាការងារ ជាមួយក្រុមមន្រ្តីប្រតិភូចិន ដឹកនាំដោយលោក Zhong Zhiyu អ្នកគ្រប់គ្រងគម្រោង កិច្ចសហប្រតិបត្តិការធនធានទឹកឡាងឆាងមេគង្គ ដែលអញ្ជើញមកទស្សនកិច្ចកម្ពុជាស្តីពី ការកសាងផែនការមេគ្រប់គ្រងធនធានទឹកក្នុងប្រទេសកម្ពុជា ដែលជាជំនួយប្រទេសចិន តាមរយៈក្រសួងធនធានទឹកចិន ដល់ក្រសួងធនធានទឹក និងឧតុនិយមកម្ពុជា។ កិច្ចប្រជុំបានស្តាប់បទបង្ហាញអំពីសេចក្តីព្រាងឯកសារផែនការមេ សម្រាប់ធនធានទឹកកម្ពុជា និងបានពិភាក្សាផ្តល់យោបល់លើចំណុចបញ្ហាមួយចំនួន ដើម្បីរួមចំណែកការកែលំអសេចក្តីព្រាងផែនការមេនេះ៕