កិច្ចប្រជុំលើកទី៣២ របស់ក្រុមការងារគណៈកម្មាធិការរួម MRC (ថ្ងៃទី២៧-២៨ ខែកក្កដា ឆ្នាំ២០១៧)

វៀងច័ន្ទ៖ ឯកឧត្តម សូ សុភ័ទ្ទ អគ្គលេខាធិការរង គណៈកម្មាធិការជាតិទន្លេមេគង្គកម្ពុជា បានដឹកនាំគណៈប្រតិភូកម្ពុជា ០៣រូប តំណាងក្រសួងការបរទេស និងសហប្រតិបត្តិការអន្តរជាតិ និងអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា ចូលរួមកិច្ចប្រជុំលើកទី៣២ របស់ក្រុមការងារគណៈកម្មាធិការរួម MRC ដើម្បីពិនិត្យ ពិភាក្សាលើរបៀបវារៈសំខាន់ៗដូចខាងក្រោម៖

១- ដំណើរការជ្រើសរើសនាយកប្រតិបត្តិ (បន្ទាប់) មកពីប្រទេសជាសមាជិក MRC
២- ការកែសម្រួលសៀវភៅក្បួនគោលការណ៍ប្រតិបត្តិធនធានមនុស្សរបស់ MRC រួមទាំងគោលការណ៍ផ្តល់រង្វាន់ និងប្រាក់ខែបុគ្គលិកផងដែរ
៣- ការកំណត់ចំណាយឱ្យមានប្រសិទ្ធភាព (cost effectiveness) ក្នុងការរៀបចំសិក្ខាសាលា ប្រជុំនានា ទាំងនៅថ្នាក់ជាតិ និងតំបន់
៤- រូបមន្តបង់វិភាគទានសម្រាប់ឆ្នាំបន្ទាប់ ចាប់ពីឆ្នាំ ២០១៩ របស់ប្រទេសជាសមាជិក MRC
៥- សេចក្តីព្រាងមាតិការសម្រាប់ផែនការសកម្មភាពរួម ( Content of Joint Action Plan) សម្រាប់គម្រោងវារីអគ្គិសនី ប៉ាក់បេង
៦- ការរៀបចំក្រុមជំនាញ (MRC Expert Groups) សម្រាប់អនាគតរបស់ MRC និង
៧- គោលគំនិតរៀបចំកិច្ចប្រជុំកំពូល MRC លើកទី៣ ក្នុងឆ្នាំ២០១៨ នៅកម្ពុជា៕