កិច្ចប្រជុំពិសេសថ្នាក់តំបន់ស្តីពី ការវាយតម្លៃផលប៉ះពាល់បរិស្ថានឆ្លងដែន (ថ្ងៃទី២៦ ខែឧសភា ឆ្នាំ២០១៥)
(MRC-EP)
វៀងច័ន្ទ៖ គណៈកម្មការទន្លេមេគង្គ បានរៀបចំកិច្ចប្រជុំ សម្របសម្រួលថ្នាក់តំបន់ស្តីពី ការវាយតម្លៃផលប៉ះពាល់បរិស្ថានឆ្លងដែន នៃកម្មវិធីបរិស្ថាន ដោយមានការអញ្ជើញចូលរួមពីបណ្តាប្រទេសជាសមាជិកទាំង៤ និងមន្ត្រីលេខាធិការដ្ឋានគណៈកម្មការទន្លេមេគង្គ សរុបចំនួន ២៥រូប។ ដោយឡែកសមាសភាពចូលរួមពីកម្ពុជាមាន ០៥រូប រួមមាន ឯកឧត្តម គល់ វឌ្ឍនា អគ្គលេខាធិការរង គណៈកម្មាធិការជាតិទន្លេមេគង្គកម្ពុជា លោកស្រី ញឹម សុភា អនុប្រធាននាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និងឧតុនិយម លោក ឌួង សំគៀត អនុប្រធាននាយកដ្ឋានការវាយតម្លៃផលប៉ះពាល់បរិស្ថាន នៃក្រសួងបរិស្ថាន លោក អ៊ូ សារី អនុប្រធានការិយាល័យរដ្ឋបាល នៃវិទ្យាស្ថានអភិវឌ្ឍន៍ និងស្រាវជ្រាវជលផលទឹកសាប ក្រសួងកសិកម្ម រុក្ខាប្រម៉ាញ់ និងនេសាទ និងលោក ថៃ ពិសិដ្ឋ មន្ត្រីសម្របសម្រួលថ្នាក់ជាតិ កម្មវិធីបរិស្ថាន នៃគណៈកម្មាធិការជាតិទន្លេមេគង្គកម្ពុជា។
គោលបំណងនៃកិច្ចប្រជុំគឺដើម្បី ១) ពិភាក្សា និងបញ្ចប់លើការកែសម្រួលផែនការការងារនៃ TbEIA និងទី ២) ទទួលបានមតិយោបល់ និងការណែនាំលើការអនុវត្តផែនការការងារនៃ TbEIA ៕
Hits: 4061