កិច្ចប្រជុំពិគ្រោះយោបល់ថ្នាក់ជាតិស្តីពី ការរៀបចំបង្កើតប្រព័ន្ធពិនិត្យតាមដាន និងព្យាករណ៍គ្រោះរាំងស្ងួត នៅអាងទន្លេមេគង្គក្រោម (ថ្ងៃទី២២ ខែមករា ឆ្នាំ២០១៦)
(CNMC-DMP)
ភ្នំពេញ៖ គណៈកម្មាធិការជាតិទន្លេមេគង្គកម្ពុជា បានរៀបចំកិច្ចប្រជុំពិគ្រោះយោបល់ថ្នាក់ជាតិស្តីពី ការរៀបចំបង្កើតប្រព័ន្ធពិនិត្យតាមដាន និងព្យាករណ៍គ្រោះរាំងស្ងួត នៅអាងទន្លេមេគង្គក្រោម នៅសណ្ឋាគារ សាន់វេ ភ្នំពេញ ក្រោមការដឹកនាំដោយឯកឧត្តម ឡុង សារាវុធ អគ្គលេខាធិការរង គណៈកម្មាធិការជាតិទន្លេមេគង្គកម្ពុជា និងមានសមាសភាពមកពីក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន និងគណៈកម្មាធិការជាតិគ្រប់គ្រងគ្រោះមហន្តរាយ សរុបចំនួន ១៥រូប។
កិច្ចប្រជុំនេះមានគោលបំណងដូចតទៅ៖ ១. ផ្តល់ការយល់ដឹងអំពីប្រព័ន្ធពិនិត្យតាមដាន និងព្យាករណ៍គ្រោះរាំងស្ងួត ២. ពិភាក្សាលើគុណសម្បត្តិ និងគុណវិបត្តិនៃការប្រើប្រាស់ប្រព័ន្ធពិនិត្យតាមដានគ្រោះរាំងស្ងួតនៅថ្នាក់ជាតិ និង ៣. ពិភាក្សាលើជម្រើសសម្រាប់រៀបចំប្រព័ន្ធពិនិត្យតាមដាន និងព្យាករណ៍គ្រោះរាំងស្ងួតថ្នាក់តំបន់៕
Hits: 3633