សិក្ខាសាលាបណ្តុះបណ្តាលលើកទី៣ ស្តីពី កម្មវិធីបង្កើត ម៉ូដែល សម្រាប់កសាងផែនការអាងទន្លេ (ថ្ងៃទី០១ ខែមិថុនា ឆ្នាំ២០២១)
ភ្នំពេញ៖ ឯកឧត្តម វ៉ាត់ បុត្តកុសល អគ្គលេខាធិការរង គណៈកម្មាធិការជាតិទន្លេមេគង្គកម្ពុជា និងជាប្រធានគ្រប់គ្រងសមាសភាគទី២ នៃគម្រោង គ្រប់គ្រងធនធានទឹកចម្រុះមេគង្គ តំណាក់កាលទី៣ បានដឹកនាំសិក្ខាសាលាបណ្តុះបណ្តាលលើកទី៣ ស្តីពីកម្មវិធីបង្កើត ម៉ូដែល សម្រាប់កសាងផែនការអាងទន្លេ ដែលរៀបចំដោយទីប្រឹក្សាយោបល់ eWater ប្រទេសអូស្រ្តាលី មានរយៈពេល៣ថ្ងៃ ចាប់ផ្តើមពីថ្ងៃទី០១ ដល់ទី០៣ ខែមិថុនា ឆ្នាំ២០២១ ដោយមានសិក្ខាកាមចូលរួមចំនួន ៣៤រូប ជាមន្រ្តីក្រុមការងារគម្រោង គជទមក ក្រសួងធនធានទឹក និងឧតុនិយាម មន្រ្តីមន្ទីរខេត្តក្រចេះ ស្ទឹងត្រែង មណ្ឌលគីរី និងខេត្តរតនគិរី ទីប្រឹក្សាពីក្រុមហ៊ុន DHI វិទ្យាស្ថានបច្ចេកវិទ្យាកម្ពុជា (ITC) សកលវិទ្យាល័យភូមិន្ទកសិកម្ម និងសកលវិទ្យាល័យភូមិន្ទភ្នំពេញ (RUA, RUPP) និងអ្នកឯកទេសធនាគារពិភពលោក៕