កិច្ចប្រជុំគណៈកម្មការដឹកនាំគម្រោងលើកទី២ គម្រោងគ្រប់គ្រង និងអភិរក្សតំបន់ដីសើមអាងទន្លេមេគង្គភាគខាងក្រោម (ថ្ងៃទី ២៥-២៦ ខែមករា ឆ្នាំ២០២២)
ឯកឧត្តម តែ ណាវុធ អនុប្រធានអចិន្ត្រៃយ៍ គណៈកម្មាធិការជាតិទន្លេមេគង្គកម្ពុជា បានដឹកនាំកិច្ចប្រជុំគណៈកម្មការដឹកនាំគម្រោងលើកទី២ គម្រោងគ្រប់គ្រង និងអភិរក្សតំបន់ដីសើមអាងទន្លេមេគង្គភាគខាងក្រោម ដោយមានការចូលរួមពីសមាជិកគណៈកម្មការដឹកនាំគម្រោង ស្ថាប័នអនុវត្តន៍គម្រោង (ក្រសួងបរិស្ថាន និងរដ្ឋបាលជលផល) ក្រុមហ៊ុនទីប្រឹក្សា GITEC អង្គការWCS និងធនាគារអភិវឌ្ឍន៍អាល្លឺម្លង់ KfW។
គោលបំណងនៃកិច្ចប្រជុំ៖
១. បានជ្រាប និងកត់ត្រាអំពីវឌ្ឍនភាពនៃការអនុវត្តគម្រោង បន្ទាប់ពីកិច្ចប្រជុំ SC លើកទី១ និងភាពប្រឈមនៃការអនុវត្តគម្រោង
២. ផ្តល់ការណែនាំ/អនុសាសន៍លើការអនុវត្តផែនការសកម្មភាពសម្រាប់ឆ្នាំ២០២២
៣. បានជ្រាប អំពីវឌ្ឍនភាពការងាររបស់ក្រុមហ៊ុនប្រឹក្សាបច្ចេកទេស GITEC
៤. បានយល់ដឹងបន្ថែមអំពីវឌ្ឍនភាពនៃការអនុវត្តគម្រោងនៅទីតាំងគម្រោង៕