កិច្ចប្រជុំលើកទី១ នៃគម្រោង Triangular Cooperation Project on Sustainable Development in the Lower Mekong River Basin (ថ្ងៃទី០៤ ខែឧសភា ឆ្នាំ២០២២)
ភ្នំពេញ៖ ឯកឧត្តម សូ សុភ័ទ្ទ អគ្គលេខាធិការ គណៈកម្មាធិការជាតិទន្លេមេគង្គកម្ពុជា និងជាប្រធានគណៈកម្មាធិការរួម គណៈកម្មការទន្លេមេគង្គ (MRC-JC) សម្រាប់ឆ្នាំ២០២២ ជាសមាជិកគណៈកម្មការដឹកនាំគម្រោង Triangular Cooperation Project on Sustainable Development in the Lower Mekong River Basin based on Water-Energy-Food Nexus តំណាង MRC បានចូលរួមកិច្ចប្រជុំលើកទី១ នៃគម្រោង តាមប្រព័ន្ធ Zoom ដោយកិច្ចប្រជុំបានពិនិត្យ ពិភាក្សាលើ៖ ទី១) វឌ្ឍនភាពការងារ នៃគម្រោងដែលបានអនុវត្ត និងសម្រេចបានក្នុងត្រីមាសទី៤ នៃឆ្នាំ២០២១ និងត្រីមាសទី១ នៃឆ្នាំ២០២២ ទី២) បញ្ហាប្រឈមដែលកើតមានក្នុងអំឡុងនៃការអនុវត្តគម្រោង និងទី៣) ផែនការការងារនៃគម្រោងសម្រាប់ត្រីមាសទី២ ទី៣ និងត្រីមាសទី៤ នៃឆ្នាំ២០២២។
គម្រោង Triangular Cooperation Project on Sustainable Development in the Lower Mekong River Basin based on Water-Energy-Food Nexus នឹងត្រូវអនុវត្តពីឆ្នាំ២០២១ ដល់ ឆ្នាំ២០២៥ ដែលមានទឹកប្រាក់សរុបចំនួនប្រមាណ ៤លានដុល្លារអាមេរិក ដែលជាជំនួយថវិការបស់សាធារណរដ្ឋកូរ៉េ ក្រោមការចាត់ចែងអនុវត្តន៍ផ្ទាល់ ដោយការិយាល័យសហប្រជាជាតិ សម្រាប់កិច្ចសហប្រតិបត្តិការទិសខាងត្បូង-ត្បូង (UN Office for South-South Cooperation-UNOSSC) និងមានដៃគូអនុវត្តន៍គម្រោង រួមមាន៖ វិទ្យាស្ថានកូរ៉េសម្រាប់គោលនយោបាយ វិទ្យាសាស្រ្ត និងបច្ចេកវិទ្យា វិទ្យាស្ថានមេគង្គ និងលេខាធិការដ្ឋាន MRC៕