វេទិកាអ្នកពាក់ព័ន្ធលើកទី១ ស្តីពី គម្រោងកិច្ចសហប្រតិបត្តិការត្រីកោណ សម្រាប់ការអភិវឌ្ឍប្រកបដោយនិរន្តរភាព ក្នុងអាងទន្លេមេគង្គ (ថ្ងៃទី២៨ ខែមិថុនា ឆ្នាំ២០២២)
បាងកក៖ ឯកឧត្តម ឡុង សារាវុធ អគ្គលេខាធិការរង គណៈកម្មាធិការជាតិទន្លេមេគង្គកម្ពុជា បានដឹកនាំប្រតិភូកម្ពុជា ដែលមានសមាសភាពមកពីក្រសួងធនធានទឹក និងឧតុនិយម ក្រសួងរ៉ែ និងថាមពល ក្រសួងកសិកម្ម រុក្ខាប្រមាញ់ និងនេសាទ ក្រសួងឧស្សាហកម្ម សិប្បកម្ម បច្ចេកវិទ្យា និងនវានុវត្តន៍ ចូលរួមវេទិកាអ្នកពាក់ព័ន្ធលើកទី១ ស្តីពី គម្រោងកិច្ចសហប្រតិបត្តិការត្រីកោណ សម្រាប់ការអភិវឌ្ឍប្រកបដោយនិរន្តរភាព ក្នុងអាងទន្លេមេគង្គក្រោម ក្នុងក្របខណ្ឌទំនាក់ទំនងទឹក ថាមពល ស្បៀង។ វេទិកាបានដឹកនាំដោយលោកបណ្ឌិត Anoulak Kittikhoun នាយកប្រតិបត្តិ នៃលេខាធិការដ្ឋាន MRC និងដោយមានការចូលរួមពីប្រតិភូតំណាងប្រទេសជាសមាជិក ក្រុមការងារ RoK-UNOSSC និងក្រុមការងារលេខាធិការដ្ឋាន MRC។
គោលបំណងនៃវេទិកាគឺដើម្បីពិនិត្យពិភាក្សាអំពីអភិក្រម ទិសដៅការងារ ការរួមបញ្ចូលគ្នានូវទឹក ស្បៀង ថាមពល ផែនការការងាររួមគ្នា ការចូលរួមរបស់អ្នកពាក់ព័ន្ធចម្រុះ និងកំណត់លក្ខណៈវិនិឆ្ឆ័យសម្រាប់ជ្រើសរើសតំបន់ និងគម្រោងសិក្សាសាកល្បង៕
