ជួបពិភាក្សាការងារជាមួយក្រុមការងារ UNOSSC ស្តីពី ការសិក្សាសាកល្បងនៅតំបន់ភូមិភាគឦសាន ប្រទេសកម្ពុជា (ថ្ងៃទី២៤ ខែសីហា ឆ្នាំ២០២២)
ជំពូក៖ CNMC_2022
ភ្នំពេញ៖ ក្រុមការងារអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា រួមមានឯកឧត្តម ឡុង សារាវុធ អគ្គលេខាធិការរង លោក ឈាង ហុង ប្រធាននាយកដ្ឋាន និងលោក មាក ឆវណ្ណារិយ អនុប្រធាននាយកដ្ឋាន នៃនាយកដ្ឋានគ្រប់គ្រងព័ត៌មាន និងចំណេះដឹង បានជួបពិភាក្សាការងារជាមួយក្រុមការងារ UNOSSC តាមប្រព័ន្ធអនឡាញ ស្តីពី ការសិក្សាសាកល្បងនៅតំបន់ភូមិភាគឦសាន ប្រទេសកម្ពុជា។ ការសិក្សានេះគឺជាផ្នែកមួយនៃគម្រោងកិច្ចសហប្រតិបត្តិការត្រីកោណ MRC-UNOSSC-PLINK លើការអភិវឌ្ឍន៍ប្រកបដោយចីរភាពនៅក្នុងអាងទន្លេមេគង្គក្រោមដោយផ្អែកលើតំណភ្ជាប់រវាងទឹក-ថាមពល-ស្បៀង។
គោលបំណងនៃជំនួបគឺដើម្បីពិភាក្សាលើការកសាងផែនការសម្រាប់កិច្ចពិគ្រោះយោបល់ថ្នាក់ជាតិ សម្រាប់ជ្រើសរើសតំបន់សិក្សាសាកល្បង ដែលជាការងារបន្តពីកិច្ចប្រជុំពិគ្រោះយោបល់ថ្នាក់តំបន់លើកទី១ កាលពីចុងខែមិថុនា ឆ្នាំ២០២២៕
