សិក្ខាសាលាថ្នាក់តំបន់ស្តីពី ការវាយតម្លៃទិន្នផល ជលផល តាមប្រភេទទីជម្រក ក្នុងអាងទន្លេមេគង្គក្រោម (ថ្ងៃទី ២៧-២៨ ខែតុលា ឆ្នាំ២០២២)
ហាណូយ៖ ក្រុមការងារកម្ពុជា ដែលមានការចូលរួមពីក្រសួងធនធានទឹក និងឧតុនិយម រដ្ឋបាលជលផល និងគណៈកម្មាធិការជាតិទន្លេមេគង្គកម្ពុជា បានចូលរួមសិក្ខាសាលាថ្នាក់តំបន់ស្តីពី (១) ការវាយតម្លៃទិន្នផលជលផល តាមប្រភេទទីជម្រកក្នុងអាងទន្លេមេគង្គក្រោម និង (២) របាយការណ៍តាមដានគុណភាពទឹកឆ្នាំ២០២១ និងលទ្ធផលតេស្តមន្ទីរពិសោធន៍ (Proficiency Testing) ដោយមានការចូលរួមពីប្រទេសជាសមាជិកគណៈកម្មការទន្លេមេគង្គ មន្ត្រីលេខាធិការដ្ឋាន គណៈកម្មការទន្លេមេគង្គ និងទីប្រឹក្សាអន្តរជាតិ។
សិក្ខាសាលានេះមានគោលបំណង៖
១. ពិនិត្យ និងពិភាក្សាលើលទ្ធផលការវាយតម្លៃទិន្នផលជលផលតាមប្រភេទទីជម្រក
២. ពិនិត្យលើវិធីសាស្ត្រ និងបញ្ហាប្រឈមក្នុងការវាយតម្លៃទិន្នផលជលផលតាមប្រភេទទីជម្រក ដើម្បីពង្រឹងអនុវត្តន៍បន្តទៀត និង
៣. ពិនិត្យ និងពិភាក្សាអំពីរបាយការណ៍តាមដានគុណភាពទឹកឆ្នាំ២០២១ និងលទ្ធផលតេស្តមន្ទីរពិសោធន៍ (Proficiency Testing)៕
