កិច្ចប្រជុំថ្នាក់តំបន់ស្តីពី សៀវភៅក្បួនការបញ្ជ្រាបយេនឌ័រ និងផែនការសកម្មភាពយេនឌ័រ (ថ្ងៃទី១៤ ខែវិច្ឆិកា ឆ្នាំ២០២២)
វ៉ាងវៀង៖ ឯកឧត្តម ហាក់ សុជាតិ អគ្គលេខាធិការរង គណៈកម្មាធិការជាតិទន្លេមេគង្គកម្ពុជា បានដឹកនាំគណៈប្រតិភូកម្ពុជា រួមមានលោកស្រី ដុំ ថាច អនុប្រធាននាយកដ្ឋានផែនការ និងសហប្រតិបត្តិការអន្តរជាតិ នៃក្រសួងធនធានទឹក និងឧតុនិយម លោក អ៊ូ សុផាណា ប្រធាននាយកដ្ឋានរដ្ឋបាល និងហិរញ្ញវត្ថុ លោក ស៊ិន សំណាង ប្រធាននាយកដ្ឋានបុគ្គលិក និងអភិវឌ្ឍន៍ធនធានមនុស្ស និងលោកស្រី ទូច វណ្ណឡកឡែន មន្ត្រីនាយកដ្ឋានរដ្ឋបាល និងហិរញ្ញវត្ថុ នៃគណៈកម្មាធិការជាតិទន្លេមេគង្គកម្ពុជា ចូលរួមកិច្ចប្រជុំថ្នាក់តំបន់ស្តីពី សៀវភៅក្បួនការបញ្ជ្រាបយេនឌ័រ (Gender Handbook) និងផែនការសកម្មភាពយេនឌ័រ (Gender Action Plan) ដែលរៀបចំឡើងដោយលេខាធិការដ្ឋាន MRC ដោយមានការចូលរួមពីប្រតិភូនៃប្រទេសជាសមាជិក MRC (កម្ពុជា ឡាវ ថៃ វៀតណាម) និងមន្រ្តីពាក់ព័ន្ធសំខាន់ៗនៃលេខាធិការដ្ឋាន MRC។
គោលបំណងនៃកិច្ចប្រជុំ គឺដើម្បីពិនិត្យ ពិភាក្សាផ្តល់យោបល់បន្ថែមលើមតិយោបល់នៃកិច្ចប្រជុំថ្នាក់ជាតិ របស់ប្រទេសជាសមាជិកកន្លងមក និងដើម្បីបញ្ចប់ពង្រាងសៀវភៅក្បួននៃការបញ្ច្រាបយេនឌ័រ(Gender Handbook)៕