ពិធីលែងកូនត្រី និងមេពូជត្រី (ថ្ងៃទី០៧ ខែសីហា ឆ្នាំ២០១៧)
ស្ទឹងត្រែង៖ ឯកឧត្តម វ៉ាត់ បុត្តកុសល អគ្គលេខាធិការរង និងមន្រ្តីនៃអគ្គលេខាធិការដ្ឋាន គណៈកម្មាធិការជាតិទន្លេមេគង្គកម្ពុជា បានចូលរួមពិធីលែងកូនត្រី និងមេពូជត្រី នៅទំនប់អូរបាចុង ក្នុងភូមិអូរបាចុង សង្កាត់ព្រះបាទ ក្រុងស្ទឹងត្រែង។ ពិធីនេះរៀបចំឡើងដោយមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង ក្រោមកិច្ចសហការ រវាងរដ្ឋបាលជលផល និងគណៈកម្មាធិការជាតិទន្លេមេគង្គកម្ពុជា ក្រោមថវិកាគម្រោងគ្រប់គ្រងធនធានទឹកចម្រុះឆ្លង ផ្នែកគ្រប់គ្រងធនធានជលផលកម្ពុជា-ឡាវ ។
គណៈអធិបតីនៃអង្គពិធីរួមមាន ឯកឧត្តម ម៉ុម សារឿន អភិបាលនៃគណៈអភិបាលខេត្តស្ទឹងត្រែង ឯកឧត្តម យ៉ែម សាម៉ន ប្រធានក្រុមប្រឹក្សាខេត្ត ឯកឧត្តម វ៉ាត់ បុត្តកុសល អគ្គលេខាធិការរង គណៈកម្មាធិការជាតិទន្លេមេគង្គកម្ពុជា និងលោក ឆេង ផែន អគ្គនាយករង រដ្ឋបាលជលផល និងមានអ្នកចូលរួម មានប្រមាណ ៤០០នាក់ ដែលជាមន្រ្តីរដ្ឋបាលជលផល ប្រធានមន្ទីរពាក់ព័ន្ធ សហគមន៍អ្នកនេសាទ សហគមន៍ប្រើប្រាស់ទឹក អ្នកគ្រូលោកគ្រូ សិស្សានុសិស្ស កងកម្លាំងប្រដាប់អាវុធ និងប្រជាពលរដ្ឋ និងបានលែងកូនត្រី និងមេពូជត្រី សរុបចំនួន ៧ ម៉ឺនក្បាល ទៅក្នុងទំនប់អូរបាចុង៕