ក្រុមការងារ នៃគម្រោងគ្រប់គ្រងធនធានទឹកចម្រុះមេគង្គ ដឹកនាំដោយឯកឧត្តម តែ ណាវុធ អនុប្រធានអចិន្រ្តៃយ៍ គណៈកម្មាធិការជាតិទន្លេមេគង្គកម្ពុជា និងជានាយកគម្រោងគ្រប់គ្រងធនធានទឹកចម្រុះមេគង្គ តំណាក់កាលទី៣ (MIWRMP3) អមដំណើរដោយមន្រ្តីក្រុមការងារ ដែលមានសមាសភាពមកពីនាយកដ្ឋានជលសាស្ត្រ និងការងារទន្លេ នាយកដ្ឋានឧតុនិយម នៃក្រសួងធនធានទឹក និងឧតុនិយម និងមន្ទីរធនធានទឹក និងឧតុនិយមខេត្តទាំង ៤ (ក្រចេះ ស្ទឹងត្រែង រតនគិរី និងខេត្តមណ្ដលគីរី) ក្រុមទីប្រឹក្សាផ្តល់យោបល់បច្ចេកទេស នៃក្រុមហ៊ុន DHI និងមន្រ្តីក្រុមការងារអគ្គលេខាធិការដ្ឋាន គជទមក។
ក្រុមបេសកកម្មការងារ បានចុះពិនិត្យស្ថានភាពសំណង់ស្ថានីយជលសាស្ត្រ-ឧតុនិយមចំនួន ២៨កន្លែង ក្រោមគម្រោងគ្រប់គ្រងធនធានទឹកចម្រុះមេគង្គតំណាក់កាលទី៣ (MIWRMP 3 ) សមាសភាគ២ ដែលមាននៅក្នុងខេត្តស្ទឹងត្រែង ចំនួន ១០, ខេត្តរតនគីរី ចំនួន ៧ ខេត្តមណ្ឌលគិរី ចំនួន ៦ និងខេត្តក្រចេះចំនួន ៥។
ជាលទ្ធផល ក្រុមបេសកកម្មបានវាយតម្លៃដំណើរការសាងសង់ស្ថានីយ ស្ទើរតែបញ្ចប់សំណង់ខាងលើនៅសល់តែ ៤ស្ថានីយទៀតដែលត្រូវបន្ត ដោយសារបញ្ហាកូវីដ១៩ និងកម្ពស់ទឹក បានធ្វើឱ្យដំណើរការសាងសង់ស្ថានីយមួយចំនួនត្រូវបានពន្យាពេល ប៉ុន្តែនឹងត្រូវបញ្ចប់ទាំងស្រុងចុងឆ្នាំ២០២១នេះ។ ក្រុមហ៊ុនសាងសង់ នឹងបន្តកិច្ចការបញ្ចប់សំណង់ ការងារសម្អាតជុំវិញស្ថានីយរួមទាំងការកាប់ឆ្ការព្រៃ ដើមឈើ និងចាក់បំពេញដីនៅតាមទីធ្លាស្ថានីយជាដើម និងឈានទៅការបំពាក់ឧបករណ៍៕
