កិច្ចប្រជុំពិគ្រោះយោបល់ថ្នាក់ជាតិស្តីពី ឯកសារគោលគំនិត លក្ខខណ្ឌការងារ និងដំណើរការរៀបចំអនុវត្ត ការរៀបចំផែនការបុរេសកម្មថ្នាក់តំបន់ (ថ្ងៃទី២២ ខែមីនា ឆ្នាំ២០២២)
កំពង់ធំ៖ ឯកឧត្តម តែ ណាវុធ អនុប្រធានអចិន្ត្រៃយ៍ គណៈកម្មាធិការជាតិទន្លេមេគង្គកម្ពុជា បានដឹកនាំកិច្ចប្រជុំពិគ្រោះយោបល់ថ្នាក់ជាតិស្តីពី ឯកសារគោលគំនិត លក្ខខណ្ឌការងារ និងដំណើរការរៀបចំអនុវត្ត ការរៀបចំផែនការបុរេសកម្មថ្នាក់តំបន់ (Proactive Regional Planning) របស់គណៈកម្មការទន្លេមេគង្គ។ សមាសភាពចូលរួមមានមន្រ្តីមកពីក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន ក្រសួងរ៉ែ និងថាមពល ក្រសួងសាធារណការ និងដឹកជញ្ជូន ក្រសួងផែនការ គណៈកម្មាធិការជាតិគ្រប់គ្រងគ្រោះមហន្តរាយ និងមន្រ្តីមួយចំនួនពី គ.ជ.ទ.ម.ក។
កិច្ចប្រជុំមានគោលបំណងដើម្បី៖ (១) ផ្សព្វផ្សាយ និងពិនិត្យឱ្យបានច្បាស់លាស់នូវឯកសារគោលគំនិត លក្ខខណ្ឌការងារ និងជំហានបន្ទាប់ សម្រាប់ផែនការបុរេសកម្មភាពថ្នាក់តំបន់ឆ្ពោះទៅរកការធ្វើផែនការបន្ស៊ាំតំបន់ ជាមួយតំណាងក្រសួង និងស្ថាប័នថ្នាក់ជាតិ (២) ពិនិត្យដំណើរការរៀបចំយន្តការអនុវត្តនៅថ្នាក់តំបន់ និងថ្នាក់ជាតិ ដើម្បីចូលរួមអនុវត្តសកម្មភាពនេះឱ្យកាន់តែមានប្រសិទ្ធភាព និងស្របតាមគោលគំនិតរបស់ប្រទេស និង (៣) យោបល់បន្ថែមប្រសិនបើមាន ដែលទទួលបានពីកិច្ចប្រជុំនឹងត្រូវបញ្ចប់ ហើយត្រូវបានដាក់ជូនលេខាធិការដ្ឋាន MRC៕